កូរ៉េខាងត្បូង៖ កីឡាការិនីឆ្នើម ស្រួង ភាវី បានថ្លែងអំណរគុណដល់ឯកអគ្គរាជទូតកម្ពុជា ឡុង ឌីម៉ង់ និងលោកជំទាវ ក្នុងឱកាសអាហារពេលល្ងាចជួបជុំគ្នា រួមជាមួយនឹងការផ្តល់ដំបូន្មានល្អៗសម្រាប់ត្រង់ត្រាប់នៅពេលអនាគត។
ក្នុងឱកាសអាហារពេលល្ងាចដ៏សែនឆ្ងាញ់ ក្នុងបរិយាកាសកក់ក្ដៅ និងរីករាយ ពាក្យសម្តីថា “ចូរបេីកបេះដូងឲ្យទូលាយដូចមហាសមុទ្រ នោះជីវិតយេីងនឹងរស់នៅដោយការមិនចង្អៀតចង្អល់” ជាដំបូន្មានដែលកីឡាការិនីឆ្នើមរូបនេះ បានទទួលពីលោកឯកអគ្គរាជទូត។
ហើយក្នុងនោះដែរ លោកឯកអគ្គរាជទូត ឡុង ឌីម៉ង់ ក៏បានបញ្ចេញមតិនៅក្នុងការចែករំលែកនោះ ដោយបានបញ្ជាក់ថា ពិតជាមានរីករាយដែលបានជួបជាមួយប្អូនស្រី រួមទាំងស្វាមី អង្គុយរួមតុបាយ និងជជែកកែលម្អគ្នាទៅវិញទៅមក ប្រកបដោយបរិយាកាសស្និទ្ធស្នាលក្រៃលែង។ ពួកបងរង់ចាំស្វាគមន៍ប្អូនដោយរីករាយជាថ្មីម្ដងទៀត!
