ចែករំលែក! ព័ត៌មានលម្អិតទាក់ទងច្បាប់ថ្មីកូរ៉េ ដែលផ្តល់ទិដ្ឋាការស្របច្បាប់បណ្តោះអាសន្ន ដល់កុមារដែលបានកើត និងរស់នៅខុសច្បាប់ក្នុងប្រទេសកូរ៉េ

កូរ៉េខាងត្បូង៖ កាលពីថ្ងៃចន្ទម្សិលមិញនេះ ក្រសួងយុត្តិធម៌កូរ៉េខាងត្បូងបានចេញសេចក្តីប្រកាសថា កុមារខុសច្បាប់ដែលបានកើត និងបានរស់នៅក្នុងប្រទេសកូរ៉េខាងត្បូងរយៈពេលជាង ១៥ ឆ្នាំ នឹងត្រូវបានផ្តល់ការអនុញ្ញាតឱ្យស្នាក់នៅបណ្តោះអាសន្នបន្តទៀត ដែលត្រូវបានចុះផ្សាយជាបន្តបន្ទាប់ក្នុងបណ្តាសារព័ត៌មានកូរ៉េខាងត្បូង។

ជាមួយនឹងការប្រកាសចេញនូវច្បាប់ថ្មីនេះ នៅព្រឹកថ្ងៃនេះ ព័ត៌មានលម្អិតអំពីច្បាប់នេះត្រូវបានប្រកាសចេញ ហើយយើងសូមធ្វើការចែករំលែកនូវខ្លឹមសារ ដែលប្រែសម្រួល និងសង្ខេបដោយខ្លឹមពីទំព័រហ្វេសប៊ុក  Meng Costa page បំណងល្អពីខ្ញុំ អំពីច្បាប់ថ្មីនេះ។

ច្បាប់ថ្មីសំរាប់គ្រួសារដែលមានកូនស្នាក់នៅខុសច្បាប់ក្នុងប្រទេសកូរ៉េ៖

ច្បាប់នេះនឹងចាប់ផ្តេីមមានសុពលភាពអនុវត្តពីថ្ងៃទី១៩ ខែមេសា​ ឆ្នាំ២០២១​ រហូតដល់ថ្ងៃ​ ២៨ ខែកុម្ភៈ ឆ្នាំ២០២៥​ ក្រុមគ្រួសារស្នាក់នៅប្រទេសកូរ៉េខុសច្បាប់​ អាចស្នេីសុំរស់នៅស្របច្បាប់ក្រោមទិដ្ឋការ​ និងលក្ខខណ្ឌដូចខាងក្រោម​៖
១-កូនបានកេីតនៅលេីទឹកដីកូរ៉េ
២-ហើយបានរស់នៅចាប់ពី១៥ឆ្នាំឡេីង
៣-កំពុង​រៀន​ រឺចប់វិទ្យាល័យ​

ប្រសិនជាកូនមានលក្ខខណ្ឌទាំង៣ខាងលេី​ គឺអាចស្នេីសុំប្រភេទវិសារ​ D-4-1 (ជាប្រភេទទិដ្ឋាការសម្រាប់សិស្សដែលរៀនភាសានៅក្នុងប្រទេសកូរ៉េ) ហេីយឪពុកម្តាយ​ នឹងទទួលបានប្រភេទវិសារ​ F-1 ដូចជាប្រភេទវិសារសួរសុខទុក្ខ​ ។
ក្នុងករណីដែលរៀនចប់​ វិទ្យាល័យ​ ហេីយមិ​នអាចស្នេីសុំទិដ្ឋការ​ D-2 រឺ​ E-9 គឺស្នេីសុំប្រភេទវិសារបណ្តោះអាសន្ន​ G-1។

ចំពោះឪពុកម្តាយកំឡុងពេលស្នាក់នៅខុសច្បាប់​ ហេីយបើមានទោសឧក្រិដ្ឋ​ គឺត្រូវបង់លុយផាក់ពិន័យ​ តាមកំរិតទោស​។

ហេីយចំពោះអ្នកខុសច្បាប់មានកូនតូច​ មិនគ្រប់លក្ខខណ្ឌ​ អាចសុំសិទ្ធស្របច្បាប់រស់នៅបណ្តោះអាសន្ន​ បង់លុយផាក់ពិន័យ ជៀសវាងមានការចាប់បញ្ជូនទៅប្រទេសកំណេីត។

រាល់ចំងល់អាចសាកសួរតាម​ hikorea រឺខលសួរ​ 1345

ខ្លឹមសារដកស្រង់ពី៖ ទំព័រហ្វេសប៊ុក  Meng Costa page បំណងល្អពីខ្ញុំ

Leave a Reply

Your email address will not be published.