អង្គភាពអភិវឌ្ឍន៍ធនធានមនុស្សនៃសាធារណរដ្ឋកូរ៉េបានជូនដំណឹងអំពីការស្នើសុំធ្វើលិខិតចត្តាឡីស័កពេលទៅដល់ប្រទេសកូរ៉េ តាមរយៈប្រព័ន្ធអនឡាញវិញ នេះបើតាមការចែករំលែកក្នុងទំព័រហ្វេសប៊ុករបស់ HRD Korea in Cambodia។
តាមរយៈការជូនដំណឹងនេះ ដើម្បីចូលរួមទប់ស្កាត់នៃការរីករាលដាលជំងឺកូវីដ១៩ អង្គភាពអភិវឌ្ឍន៍ធនធានមនុស្សនៃសាធារណរដ្ឋកូរ៉េ បានជម្រាបជូនដំណឹងដល់បងប្អូនពលករ-ពលការិនីខ្មែរយើងដែលត្រូវធ្វើដំណើរទៅកូរ៉េខាងត្បូង អោយបានជ្រាបថា សម្រាប់បងប្អូនដែលមានបំណងដាក់ពាក្យស្នើសុំលិខិតធ្វើចត្តាឡីស័ក ដើម្បីធ្វើចត្តាឡីស័កពេលទៅដល់ប្រទេសកូរ៉េខាងត្បូង ពីខាងអង្គភាពយើងខ្ញុំ ចាប់ពីពេលនេះតទៅបងប្អូនត្រូវតែធ្វើការចុះឈ្មោះនិងបំពេញសំណុំបែបបទតាមរយៈអនឡាញ គឺតាមរយៈទំព័រហ្វេសប៊ុក: HRD Korea in Cambodia។
នៅពេលដែលបងប្អូនបំពេញរួចរាល់ហើយ សូមធ្វើការស្គែនជាទម្រង់ PDF នូវលិខិតឆ្លងដែន និងបណ្ណ័សម្គាល់ខ្លួនជនបរទេស (អាយឌីកាត) ជាមួយឯកសារដែលបានបំពេញហើយ រួចធ្វើការផ្ញើរចូលក្នុងPage: HRD Korea in Cambodia។
បញ្ជាក់៖ ការដាក់ពាក្យស្នើសុំធ្វើលិខិតចត្តាឡីស័កមកកាន់អង្គភាពយើងខ្ញុំ ត្រូវធ្វើការចុះឈ្មោះអោយបានមុនថ្ងៃឡើងយន្តហោះទៅកាន់ប្រទេសកូរ៉េរយៈពេលមួយសប្តាហ៍។
សម្រាប់ព័ត៌មានបន្ថែមសូមទាក់ទងមកកាន់ទូរស័ព្ទលេខៈ 023 997-844 / 023-997-855 / 023 997-822
