កូរ៉េខាងត្បូង៖ ក្រុមអនុព័ន្ធការងារនៃស្ថានទូតកម្ពុជាប្រចាំនៅប្រទេសកូរ៉េខាងត្បូង បានជួបពិភាក្សាជាមួយលោក Son jung ha ជាប្រធានមជ្ឈមណ្ឌលគាំពារពលករ នៅរដ្ឋធានីសេអ៊ូល នៅថ្ងៃទី ២៤ ខែមីនា ឆ្នាំ២០២១។
ជំនួបរវាងក្រុមការងារតំណាងស្ថានទូត និងប្រធានមជ្ឈមណ្ឌលគាំពារពលករនៅសេអ៊ូលនេះ គឺដើម្បីរៀបចំគម្រោងអប់រំ និងជួយដល់ពលករខ្មែរ ដូចជាការយល់ដឹងអំពីវិធីកាត់បន្ថយស្ត្រេស្ដ ការអប់រំពីវិធីជួយសង្គ្រោះបឋម និងគម្រោងផ្សេងៗទៀត នៅពេលខាងមុខនេះ។ ជាការឆ្លើយតប លោកប្រធានមជ្ឈមណ្ឌលគាំពារពលករ បានសំដែងនូវការស្វាគមន៍ និងជួយដល់ស្ថានទូតកម្ពុជាជានិច្ច។
