កូរ៉េខាងត្បូង៖ ការទទួលពិនិត្យ និងព្យាបាលជំងឺកូវីដ-១៩ ជូនប្រជាពលរដ្ឋ និងពលករខ្មែរយើង នៅក្នុងប្រទេសកូរ៉េ គឺមិនគិតថ្លៃ ហើយទទួលបានការយកចិត្តទុកដាក់កម្រិតខ្ពស់ពីរដ្ឋាភិបាលកូរ៉េទៀតផង នេះបើតាមការចែករំលែកពីបទពិសោធន៍របស់បងប្អូនខ្មែរយើងនៅកូរ៉េ ដែលបានទទួលការព្យាបាលដោយផ្ទាល់នៅក្នុងប្រទេសកូរ៉េ ចែករំលែកដោយទំព័រ Meng Costa page បំណងល្អពីខ្ញុំ។
តាមរយៈការចែករំលែកនោះ បានឱ្យដឹងថាប្រសិនបេីបងប្អូនខ្មែរណាម្នាក់ឆ្លងកូរ៉ូណា មិនថាជាអ្នកស្នាក់នៅស្របច្បាប់ រឺខុសច្បាប់នោះទេ គឺមិនមានការចាប់បញ្ជូននោះទេ ហើយផ្ទុយទៅវិញ អជ្ញាធរកូរ៉េនឹងយកទៅព្យាបាលយ៉ាងយកចិត្តទុកដាក់ មិនអស់ថ្លៃព្យាបាល ហើយថែមទាំងផ្តល់កន្លែងចត្តាឡីស័ក ផ្តល់អាហារ និងសំភារ:ប្រេីប្រាស់ក្នុងកំឡុងពេលព្យាបាល និង ធ្វេីចត្តាឡីស័កទៀតផង។
ដូចនេះប្រសិនបងប្អូនខ្មែរណាម្នាក់បានពាក់ពន្ធ័ជាមួយអ្នកឆ្លង រឺមានអាការ:សង្ស័យពាក់ព័ន្ធជំងឺរាតត្បាតនេះ សូមកុំបារម្ភ ហើយអាចទៅពិនិត្យនៅមណ្ឌលសុខភាពក្នុងតំបន់ ទោះជាខុសច្បាប់ក៏មិនមានការចាប់បញ្ជូនដែរ។
ខាងក្រោមនេះ ជារូបភាពដែលបងប្អូនខ្មែរដែលបានឆ្លងកូរ៉ូណា កំពុងព្យាបាលក្នុងមណ្ឌលចត្តាឡីស័ក តំប់ន់អានសាន និងទទួលបានការថែទាំងយកចិត្តទុកដាក់ពីសំណាក់ពេទ្យកូរ៉េ។
