សេអ៊ូល៖ សប្បុរសជនខ្មែរនៅប្រទេសកូរ៉េមួយចំនួនអំពាវនាវ ស្វែងរកដើម្បីជួយឧបត្ថម្ភទំនុកបម្រុងដល់កុមារីកូនកាត់ខ្មែរ-កូរ៉េ ម្នាក់ ដែលបានបាត់អត្តសញ្ញាណតាំងពីឆ្នាំ២០១៤ ហើយដែលថ្មីៗនេះក្រសួងអប់រំ យុវជន និងកីឡាកម្ពុជាបានប្រកាសតាមស្វែងរកកុមារីខាងលើនេះ នៅតាមសាលារៀននានាទូទាំងប្រទេសកម្ពុជា។ កុមារីខាងលើក្រោយមក ត្រូវបានគេរកឃើញថាកំពុងរស់នៅក្នុងខេត្តក្រចេះជាមួយអាណាព្យបាល ខណៈដែលឪពុកជនជាតិកូរ៉េ និងម្តាយជនជាតិខ្មែររបស់ខ្លួន សុទ្ធតែបានលា ចាកលោកចោលទៅផុតអស់ទៀត។
សប្បុរសជនម្នាក់ក្នុងចំណោមសប្បុរសជនដទៃទៀតបានលើកឡើងយ៉ាងដូច្នេះថា “ជាថ្មីម្ដងទៀត ខ្ញុំជាមួយបង Meng Costa page បំណងល្អពីខ្ញុំ និងសប្បុរសជនដទៃទៀត ចង់ស្វែងរកក្មួយស្រីខាងក្រោម ដើម្បីឧបត្ថម្ភជាថវិកា និងសំភារៈសិក្សាមួយចំនួនជូនគាត់ជាជំហ៊ានដំបូង។ បើបងប្អូនមានស្គាល់ ឬមានលេខទំនាក់ទំនងគ្រួសាររបស់គាត់សូមឱ្យយើងខ្ញុំដឹងផង។ នេះជាលេខផ្ទាល់ខ្លួនរបស់ខ្ញុំ 010-4447-7168 សូមអរគុណ!! ខ្ញុំធ្លាប់កំព្រាតាំងពីតូចខ្ញុំយល់ច្បាស់ពីការលំបាកមួយនេះ។ ???? សូមព្រះតាមជួយថែរក្សាក្មួយស្រី!”
ដូចនេះ បើបងប្អូនណាបានដឹងពីព័ត៌មាន និងទីតាំងស្នាក់នៅ ឬអាណាព្យាបាលរបស់ប្អូនស្រីខាងលើ សូមជួយមេត្តាទាក់ទងទៅកាន់សប្បុរសជនខាងលើដើម្បីអាចជួយសម្រួលបន្ទុកមួយផ្នែកដល់ប្អូនស្រីខាងលើផង។
