ពន្ធ និងអាករខុសគ្នាដូចម្តេច?
អ្នកទាំងអស់គ្នាប្រហែលជាធ្លាប់ឆ្ងល់ថា ពន្ធ និងអាករខុសគ្នា ឬដូចគ្នាយ៉ាងណាហើយ!
កាក់សេននឹងបកស្រាយឲ្យបាត់ចម្ងល់ថា ពន្ធ គឺខុសពីអាករ ត្រង់ថាពន្ធជាកាតព្វកិច្ចផ្ទាល់របស់អ្នកបង់ពន្ធ មានន័យថាអ្នកជាប់ពន្ធត្រូវបង់ពន្ធទៅឲ្យរដ្ឋផ្ទាល់ ឬតាមភ្នាក់ងារពន្ធដារ ហើយ ពន្ធជាកាតព្វកិច្ចរបស់បុគ្គលគ្រប់រូបដែលជាប់ពន្ធមិនកំណត់ថាទាល់តែជាបុគ្គលដែលបានចុះបញ្ជីពន្ធដារ ជាអ្នកជាប់ពន្ធតូច ឬមធ្យម ឬធំទេ។
ពន្ធផ្ទាល់មានដូចជា៖
- ពន្ធលើប្រាក់បៀវត្ស
- ពន្ធលើអត្ថប្រយោជន៍បន្ថែម
- ពន្ធអចលនទ្រព្យ
- ពន្ធលើប្រាក់ចំណូល
- ពន្ធលើប្រាក់ចំណេញ
- ពន្ធលើចំណេញមូលធន
- ពន្ធកាត់ទុក
- ពន្ធប្រថាប់ត្រា
- ពន្ធលើដីធ្លីមិនបានប្រើប្រាស់
- ពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទ
- ពន្ធលើឈ្នួលផ្ទះ និងដី
- ពន្ធប៉ាតង់ និង ពន្ធអប្បបរមា។
ចំណែក អាករវិញ ជាប្រភេទពន្ធប្រយោល ដែលអ្នកជាប់ពន្ ធបង់ពន្ធនេះប្រយោលតាមការប្រើប្រាស់ទំនិញនិងសេវា ក្នុងនោះមានដូចជា៖
- អាករលើតម្លៃបន្ថែម
- អាករបំភ្លឺសាធារណៈ
- អាករពិសេសលើទំនិញ និងសេវាមួយចំនួន និងអាករស្នាក់នៅ។
ខ្លឹមសារអត្ថបទទាំងស្រុងពី៖ កាក់សេន – KAKCENT
