លោក ឡុង ឌីម៉ង់ បន្ដអំពាវនាវដល់ពលករខ្មែរកុំទាន់ធ្វើដំណើរទៅកម្ពុជាព្រោះមានបញ្ហាប្រឈមខ្លាំងពីរ

លោក ឡុង ឌីម៉ង់ ឯកអគ្គរាជទូតខ្មែរនៅប្រទេសកូរ៉េ បានបន្ដអំពាវនាវដល់ពលករខ្មែរទាំងអស់កុំអាលធ្វើដំណើរមកប្រទេ​សកម្ពុជា ឫ ទៅកន្លែងណាផ្សេង ព្រោះមានបញ្ហាប្រឈមខ្លាំងណាស់។ ប្រឈមទី១ គឺអាចឆ្លងជំងឺកូវីដ-១៩ ទី២ នៅពេលត្រឡប់ទៅកូរ៉េខាងត្បូងវិញ នឹងត្រូវស្នាក់នៅដោយឡែកពីគេដោ​យត្រូវជួល​កន្លែងស្នាក់នៅដោយខ្លួនឯង។ ជាងនេះទៅទៀត បើសិនពលករនៅចង់មកស្រុកខ្មែរមិនស្តាប់ការហាមឃា​ត់​របស់ចៅកែរបស់ខ្លួន នោះពួកគេប្រឈមនឹងការបណ្តេញចេញពីការងារដែលនឹងធ្វើឱ្យពួកគេក្លាយជាព​ល​ករមិនស្របច្បាប់នៅក្នុងប្រទេសកូរ៉េខាងត្បូង។

គូសបញ្ជាក់ដែរថាពលករខ្មែរប្រមាណជាង៤ម៉ឺន៨ពាន់នាក់កំពុងស្នាក់នៅ និងធ្វើការនៅក្នុងប្រទេសកូរ៉េខាងត្បូង ប៉ុន្តែមិនមានពលករខ្មែរណាម្នាក់បានឆ្លងជំងឺកូវីដ-១៩នោះទេ។ ក្នុងអំឡុងបុណ្យឆ្នាំខ្មែរកន្លងទៅនេះ មានពលករប្រមា​ណពី៣ទៅ៥%បានធ្វើដំណើរមកកាន់ប្រទេសកម្ពុជា ហើយពេលទៅវិញត្រូវដាក់ដោយឡែករយៈពេល១៤ថ្ងៃ​។ នេះបើតាមការបញ្ជាក់ឱ្យដឹងរបស់លោកឡុង ឌីម៉ង់ ឯកអគ្គរាជទូតកម្ពុជាប្រចាំនៅប្រទេសកូរ៉េខាងត្បូង។ លោកបានគូសបញ្ជាក់ទៀតថា ក្នុងចំណោមពលករទាំងនេះ មានពលករខ្មែរពីរទៅបីករណីដែរដែលត្រូវបានបញ្ឈប់ពីការងារ។

សូមបញ្ជាក់ថា ស្របពេលដែលក្រសួងការងារអំពាវនាវបែបនេះ រដ្ឋាភិបាលកម្ពុជាកាលពីថ្ងៃចន្ទបានសម្រេចអនុញ្ញាតឱ្យអ្នកនេសាទ និងអ្នកទោសជនជាតិខ្មែរចំនួន២២២នាក់នៅម៉ាឡេស៊ីវិលត្រឡប់មកប្រទេសកម្ពុជាវិញ។ ប៉ុន្តែ ពួកគេត្រូវទៅធ្វើតេស្តរកជំងឺកូវីដ-១៩នៅម៉ាឡេស៊ីជាមុនសិន។  ម្យ៉ាងវិញទៀត ពេលពួកគេមកដល់ប្រទេសកម្ពុជា គឺនឹងត្រូវដាក់ឱ្យនៅដាច់ដោយឡែករយៈពេល១៤ថ្ងៃ ដើម្បីតាមដានសុខភាព និង ធ្វើតេស្តរកជំងឺកូវីដ-១៩៕

Leave a Reply

Your email address will not be published.