ក្រុមការងារស្ថានទូតខ្មែរ ចុះសួរសុខទុក្ខស្រ្តីខ្មែរម្នាក់ដែលមានបញ្ហាសតិអារម្មណ៍ ហើយសន្យានឹងបន្តជួយស្វែងរកដំណោះស្រាយបន្តជួយប្អូនស្រី

កូរ៉េខាងត្បូង៖ លោក ឡុង ឌីម៉ង់ ឯកអគ្គរាជទូតកម្ពុជាប្រចាំសាធារណរដ្ឋកូរ៉េ បានដឹកនាំក្រុមការងារស្ថានទូត ចុះជួបសំណេះសំណាលនឹងប្អូនស្រី យ៉ា ដែលមានបញ្ហាសតិអារម្មណ៍ និងក្រុមគ្រួសារ នៅវត្តគូមី​ កាលពីពេលថ្មីៗទៅនេះ។

ក្នុងជំនួបសួរសុខទុក្ខនេះ​ លោកឯកអគ្គរាជទូត បានព្យាយាមស្វែងយល់ពីបញ្ហានានា ជុំវិញនឹងស្ថានភាពរបស់គាត់ ដើម្បីអាចជួយទំនុកបម្រុង និងស្វែងរកដំណោះស្រាយសមស្របណាមួយជូនសម្រាប់ប្អូនស្រី។

លោកទូតបានលើកឡើងក្នុងទាក់ទងជាមួយនឹងប្រធានមជ្ឈមណ្ឌលគាំពារជនបរទេសនៅគូមី ហើយក៏នឹងបន្តទាក់ទងដល់អាជ្ញាធរពាក់ព័ន្ធនានា រួមទាំងផ្នែកសុខាភិបាល ដើម្បីជួយដោះស្រាយបន្ដ ហើយក្រុមការងារស្ថានទូតក៏នឹងបន្ដយកចិត្តទុកដាក់លើករណីប្អូនស្រីបន្ដទៀត។