ឱកាសមាសសម្រាប់និស្សិតខ្មែរ! ក្រុមហ៊ុន Booyoung សហការនឹងស្ថានទូតខ្មែរ ផ្តល់អាហារូបករណ៍ដល់និស្សិតខ្មែរនៅកូរ៉េឆ្នាំ ២០២០ នេះ

សេអ៊ូល៖ ស្ថានឯកអគ្គរាជទូតកម្ពុជានៅកូរ៉េ បានជម្រាបជូនដំណឹងអំពីការផ្ដល់អាហារូបករណ៍របស់ក្រុមហ៊ុន Booyoung Group ដល់និស្សិតខ្មែរដែលកំពុងសិក្សានៅកូរ៉េខាងត្បូង។ ខ្លឹមសារនៃលិខិតនេះមានដូចខាងក្រោម៖

ស្ថានឯកអគ្គរាជទូតនៃព្រះរាជាណាចក្រកម្ពុជាប្រចាំសាធារណរដ្ឋកូរ៉េមានកិត្តិយស សូមជម្រាបជូនដំណឹងដល់និស្សិតខ្មែរកំពុងសិក្សានៅសាធារណរដ្ឋកូរ៉េទាំងអស់ជ្រាបថា៖ ក្រោមកិច្ចសហការរវាង ស្ថានឯកអគ្គរាជទូតកម្ពុជាជាមួយមូលនិធិអប់រំ និងវប្បធម៌ Woojung របស់ក្រុមហ៊ុន Booyoung Group មូលនិធិ Woojung នឹងផ្ដល់អាហារូបករណ៍ដល់និស្សិតខ្មែរមួយចំនួនដែលកំពុងសិក្សានៅសាធារណរដ្ឋកូរ៉េសម្រាប់ឆមាសទី២ ឆ្នាំ២០២០។ លក្ខខណ្ឌនៃការស្នើសុំអាហារូបករណ៍របស់មូលនិធិ និងឯកសារស្នើសុំមានដូចខាងក្រោម៖
១-ជានិស្សិតដែលកំពុងស្វែងរកជំនួយឧបត្ថម្ភសម្រាប់ជួយសម្រួលដល់ថ្លៃសិក្សា ឬថ្លៃស្នាក់នៅ។
២-មិនមែនជានិស្សិតដែលទទួលបានអាហារូបករណ៍ពីរាជរដ្ឋាភិបាលកម្ពុជា និងរដ្ឋាភិបាលនៃសាធារណរដ្ឋកូរ៉េ។
៣-ជានិស្សិតដែលមានពិន្ទុចាប់ពី ៨០ពិន្ទុឡើង (សមាមាត្រនឹងនិទ្ទេស Bឡើង)។
៤-ជានិស្សិតដែលមានអត្តចរិកស្លូតបូត។
៥-ឯកសារស្នើសុំ៖

  1. Application Form,
  2. Certificate of Admission,
  3. Certificate of Enrollment (Original Copy),
  4. Transcript(Original Copy),
  5. Recommendation Letter by Dean or Professor,
  6. Self Introduction (1 page),
  7. Study Plan for 2nd semester of 2020,
  8. ថតចំលងសៀវភៅធនាគារជាមួយនឹងលេខគណនី, និង
  9. រូបថតផ្ទៃស១សន្លឹក (៤*៦)។

៦-ផុតកំណត់ទទួលពាក្យត្រឹម ថ្ងៃចន្ទ ទី ១០ ខែ សីហា ឆ្នាំ២០២០ វេលាម៉ោង ៥រសៀល។
៧-មូលនិធិអប់រំ និងវប្បធម៌ Woojung នឹងធ្វើការសម្ភាស និងជ្រើសរើស ដោយផ្ទាល់។
បញ្ចាក់៖ សូមផ្ញើឯកសារមកស្ថានឯកអគ្គរាជទូតកម្ពុជាប្រចាំសាធារណរដ្ឋកូរ៉េ តាមអាសយដ្ឋាន서울시 중구 세종대로 55, 부영태평빌딩 14층 (캄보디아대사관) តាមរយៈ우채국។

ព័ត៌មានបន្ថែម សូមទំនាក់ទំនង៖
– លោក ជា លីសែ 010-4447-7168
– លោក ខាត់ ចិន 010-9718-9455

និស្សិតខ្មែរដែលកំពុងសិក្សានៅកូរ៉េខាងត្បូង ដែលចាប់អារម្មណ៍អាចធ្វើការទាញយកទម្រង់បំពេញបែបបទតាមតំណខាងក្រោមនេះ

https://www.dropbox.com/s/lydfubzrbxr4a66/Revised%202020%202nd%20Semester%20Application%20Form%20New%20Applicants.docx?dl=0

 

Leave a Reply

Your email address will not be published. Required fields are marked *