ប្រយ័ត្នផង នៅក្បែរការដ្ឋាន! បាក់សំណង់អាគារកំពុងសាងសង់មួយកន្លែងនៅខ្វាងជូ ធ្លាក់សង្កត់មនុស្សរបួសអស់១នាក់ និងរថយន្តជាង១០គ្រឿង

កូរ៉េខាងត្បូង៖ ផ្នែកខាងមុខនៃអគារផ្ទះល្វែងខ្ពស់ដែលកំពុងសាងសង់នៅភាគនិរតីនៃទីក្រុងខ្វាងជូ បានដួលរលំកាលពីថ្ងៃអង្គារម្សិលមិញនេះ ដោយបានបណ្តាលឲ្យមនុស្សយ៉ាងហោចណាស់ម្នាក់រងរបួស និងកប់រថយន្តប្រហែល១០គ្រឿងនៅក្រោមគំនរបាក់បែក នេះបើតាមការបញ្ជាក់របស់ប៉ូលីសនៅមូលដ្ឋាន និងចុះផ្សាយក្នុងសារព័ត៌មាន Yonhap News។

ប៉ូលិសបាននិយាយថា ជញ្ជាំងផ្នែកខាងក្រៅនៃអគារផ្ទះល្វែងបានដួលរលំនៅការដ្ឋានសំណង់នៅភាគខាងលិចទីក្រុងខ្វាងជូ ចម្ងាយប្រមាណ៣៣០ គីឡូម៉ែត្រភាគខាងត្បូងទីក្រុងសេអ៊ូលនៅម៉ោងប្រហែល ៣:៤៦នាទីរសៀល។

មនុស្សបីនាក់ដែលជាប់នៅក្នុងកុងតឺន័រនៅកន្លែងកើតហេតុដែលបាក់រំលំអាគារនោះត្រូវបានជួយសង្គ្រោះ ហើយម្នាក់ក្នុងចំណោមពួកគេត្រូវបានគេបញ្ជូនទៅមន្ទីរពេទ្យសម្រាប់ព្យាបាលរបួស។

ក្រុម​អ្នក​ជួយ​សង្គ្រោះ​កំពុង​ព្យាយាម​ស្វែង​រក​គំនរ​បាក់បែក​សម្រាប់​ជន​រង​គ្រោះ​ផ្សេង​ទៀត។

Leave a Reply

Your email address will not be published. Required fields are marked *