ល្អណាស់! ជនបរទេសនៅក្យ៉ុងគីដូ នឹងអាចចាក់វ៉ាក់សាំងកូវីដបានដោយងាយ ដោយអាជ្ញាធររៀបឡានក្រុងធំ មកចាក់ជូនផ្ទាល់ដល់ទីតាំងតែម្តង! អ្នកខុសច្បាប់ក៏អាចចាក់បាន ដោយគ្មានបញ្ហាដែរ

កូរ៉េខាងត្បូង៖ ខេត្តក្យុងគីដូបានដាក់អោយប្រេីប្រាស់ជាលេីកដំបូងរថយន្តបេីសចាក់វ៉ាក់សាំងចល័ត​ សំរាប់ជនបរទេសចាប់តាំងពីថ្ងៃទី៦ ខែតុលាម្សិលមិញ​ ដោយរថយន្តបេីសនេះ​ អាចចល័តបាន​ ដេីម្បីចាក់វ៉ាក់សាំងជូន​ដល់កន្លែងដែលមានជនបរទេសធ្វេីការ​ និងរស់នៅ​តែម្តង នេះបើតាមការចែករំលែករបស់ទំព័រហ្វេសប៊ុក Meng Costa បំណងល្អពីខ្ញុំ។

រថយន្តដែលបានដំណេីរការដោយ​ 한국산업단지공단 경기도 본부 និង​ 안산시 단원구 នេះ នៅក្នុងរថយន្តបេីស​ មានពេទ្យ១នាក់​ គិលានុបដ្ឋាយិកា២នាក់​ អ្នកបេីករថយន្ត១នាក់​ ហេីយអាចចាក់វ៉ាក់សាំង​ បានដល់១០០នាក់ក្នុង១ថ្ងៃ​។ ហេីយរថយន្តនេះ​ នឹងទៅដល់តំបន់ណាដែលមានបញ្ជីឈ្មោះ​ជនបរទេស​ ដែលចាំបាច់ត្រូវចាក់វ៉ាក់សាំង​។

សំរាប់អ្នកខុសច្បាប់​ ក៏គេអាចសម្រួលមានជួយចេញលេខចុះបញ្ជីបណ្តោះអាសន្ន​ ក្រៅពីនេះបានជួយចាក់វ៉ាក់សាំងអោយសាច់ញាតិជនបរទេស​ សិស្សនិស្សិត​ និង​ ជនជាតិកូរ៉េដែលមិនទាន់បានចាក់​។ ការចាក់វ៉ាក់សាំងគឺបានបែងចែកអ្នកដែលមានអាយុចាប់ពី៣០ឆ្នាំ​ ត្រូវចាក់វ៉ាក់សាំង​ យ៉ានសេន​ (얀센) របស់ក្រុម Johnson & Johnson និងអ្នកអាយុ១៨​ ដល់២៩ឆ្នាំ​ អាចចាក់វ៉ាក់សាំង​ Pfizer រឺ​ Moderna ។

ក្រៅពីនេះខេត្តក្យុងគីដូក៏មានផែនការព្រមគ្នា​ៗ​ គឺប្រេីរថយន្តបេីសចល័ត​ ដេីម្បីចាក់វ៉ាក់សាំង​ ត្រួតពិនិត្យសុខភាព​ ព្យាបាល​ ដល់ជនបរទេសនៅតាមរោងចក្រ​ កសិដ្ឋាន​ និង​ ភូមិដែលមានជនបរទេសរស់នៅ​ ទូទាំងខេត្តក្យុងគីដូ​ តែអ្វីដែលសំខាន់​ គឺជនបរទេសមិនចេះភាសា​។ រថយន្តបេីសនេះ​ ចុះប្រតិបត្តិការមុនដំបូងគេ​ នៅទីក្រុងអានសាន​ ចាប់ពីថ្ងៃទី៦ដល់៨តុលា​ នេះ​ ដេីម្បីស្វែងរកជនបរទេស​ ដែលមិនមានចុះបញ្ជី(ខុសច្បាប់)​ ដេីម្បីចាក់វ៉ាក់សាំងជូន​ ទប់ស្កាត់ការឆ្លងរីករាលដាល​ វីរុសកូរ៉ូណា​។

Leave a Reply

Your email address will not be published. Required fields are marked *