កូរ៉េខាងត្បូង៖ សម្រាប់ដំណើរការចាក់វ៉ាក់សាំងកូវីដជូនប្រជាជននៅក្នុងប្រទេសកូរ៉េ ដែលមានវ័យពី១៨ ដល់ ៤៩ឆ្នាំ ដែលក្នុងនោះអនុញ្ញាតជូនបានទាំងបងប្អូនជនបរទេស ពលករបរទេស ដែលកំពុងស្នាក់នៅធ្វើការក្នុងប្រទេសកូរ៉េ និងព្រមទាំងសម្រាប់បងប្អូនពលករដែលមិនស្របច្បាប់នៅកូរ៉េផងដែរ។ តាមរយៈការចែករំលែកជាបន្តបន្ទាប់ដោយទំព័រហ្វេសប៊ុក Meng Costa Page បំណងល្អពីខ្ញុំ បានរៀបរាប់លម្អិតនូវនីតិវិធីដើម្បីបងប្អូនខ្មែរយើងទាំងស្របច្បាប់ និងខុសច្បាប់អាចស្នើចុះឈ្មោះចាក់វ៉ាក់សាំងកូវីដនៅក្នុងស្រុកកូរ៉េនេះបានដូចខាងក្រោម៖
សម្រាប់បងប្អូនជាពលករបរទេសស្របច្បាប់ អជ្ញាធរបរទេសកំណត់មកថាមានចំនួន ៤៧,៥០០០នាក់អាយុ១៨ដល់៤៩ឆ្នាំ ដែលអាចចុះឈ្មោះបានតាមរយ:តំណ https://ncvr.kdca.go.kr/ចាប់ពីថ្ងៃដូចខាងក្រោម
👉ថ្ងៃទី ៣ ខែសីហា ចាប់ពីម៉ោង៨យប់ ដល់ម៉ោង ៦ល្ងាច ថ្ងៃទី៤ ខែសីហា ចុះឈ្មោះបានសំរាប់អ្នករស់នៅទីប្រជុំជន (수도권: សេអ៊ូល អុីនឆន់ ខេត្តក្យុងគីដូ តែប៉ុណ្ណោះ)
👉ថ្ងៃទី ៤ ខែសីហា ចាប់ពីម៉ោង៨យប់ ដល់ម៉ោង ៦ល្ងាច ថ្ងៃទី៥ ខែសីហា ចុះឈ្មោះបានសំរាប់អ្នកនៅក្រៅពីទីប្រជុំជនទាំង៣ គឺតំបន់ផ្សេងៗ អាចចុះឈ្មោះបាន(비수도권)។
👉ថ្ងៃទី៥ ខែសីហា ចាប់ពីម៉ោង៨យប់ ដល់ម៉ោង៦ល្ងាច ថ្ងៃទី៦ ខែសីហា ចុះឈ្មោះបានសំរាប់អ្នកនៅគ្រប់តំបន់ទាំងអស់។
សូមបញ្ជាក់ថា កាលបរិច្ឆេទចាក់វ៉ាក់សាំងគឺចាប់ពីថ្ងៃទី១៧ ខែសីហា រហូតដល់ថ្ងៃទី១១ ខែកញ្ញា (ថ្ងៃទី១៧ ដល់២៩ ខែសីហាគឹសម្រាប់ចាក់វ៉ាក់សាំង Pfizer និងពីថ្ងៃទី៣០ខែសីហា ដល់ថ្ងៃទី១១ខែកញ្ញា គឺសម្រាប់ចាក់វ៉ាក់សាំង Moderna)។
នៅពេលចុះឈ្មោះ សូមចុចយកពាក្យ 분인예약 បំពេញព័ត៌មាន និងវាយលេខទូរសព្ទ ប្រព័ន្ធទូរសព្ទ ដើម្បីអាចទទួលបានកូត ហើយបំពេញអោយត្រឹមត្រូវ រួចហេីយយើងត្រូវរេីសម៉ោង ថ្ងៃចាក់ និងកន្លែងចាក់។ ក្រោយពេលចប់រង់ចាំបានមួយសន្ទុះ យើងនឹងទទួលសារបញ្ជាក់ លេខចុះឈ្មោះ ទីតាំងចាក់តាមសារ។
ដូចនេះ អ្នកប្រេីទូរសព្ទបញ្ជូលកាត សូមបញ្ជូលលុយផង។ អ្នកដែលជិតដល់ថ្ងៃចាក់សូមទិញថ្នាំត្រៀមទុកជាមុន គឺថ្នាំបន្ថយកំដៅ បំបាត់ការឈឺចាប់ ទ្រោមខ្លួន(해열.진통제) នៅតាមឱសថស្ថាន។
សម្រាប់បងប្អូនជាពលករបរទេសអ្នកអត់ផ្លាកលេខ អត់អាយឌី ដែលមិនអាចចុះឈ្មោះបាននៅពេលពិសេសនេះទេ គឺត្រូវយកលិខិតឆ្លងដែនទៅមណ្ឌលសុខភាពដែលនៅជិត (보건소) ចាប់ពីឥលូវដល់ចុងខែសីហានេះដេីម្បីចុះឈ្មោះ ហេីយការចាក់វ៉ាក់សាំងគឹនឹងចាប់ផ្តើមពីថ្ងៃទី៥ ខែសីហា រហូតដល់ថ្ងៃទី៣ ខែកញ្ញា។ ចំពោះអ្នកអាយុចាប់ពី៣០ឆ្នាំឡេីង នឹងទទួលបានវ៉ាក់សាំង Janssen (얀센) របស់ក្រុមហ៊ុន Johnson & Johnson ដែលចាក់តែមួយដូសរួចស្រេច។
សម្រាប់អ្នកនៅតំបន់គីមផូវិញ ជនបរទេសខុសច្បាប់ និងអ្នកដែលមិនមានធានារ៉ាប់រងសុខភាព រស់នៅតំបន់គីមផូ ដែលមិនអាចចូលកក់តាមអុីនធើណែតបាន ត្រូវបានអជ្ញាធរផ្លាស់ពីការទទួលចុះឈ្មោះផ្ទាល់ពីមុន ត្រូវទៅ 보건소 បច្ចុប្បន្ន គឺទទួលចុះឈ្មោះនៅ “មជ្ឈមណ្ឌលគាំពារជនបរទេសគីមផូ – 김포시외국인주민 지원센터” រៀងរាល់ម៉ោងធ្វើការ និងមានអាសយដ្ឋាន៖ 경기도 김포시 양촌읍 황금로110번길 52។
