កូរ៉េខាងត្បូង៖ ខណៈដែលអជ្ញាធរសុខាភិបាលកូរ៉េចាប់ផ្តើមអនុញ្ញាតឱ្យអ្នកដែលមានអាយុវ័យក្មេងអាចទទួលចាក់វ៉ាក់សាំងបាននោះ ដំណើរការចុះឈ្មោះចាក់វ៉ាក់សាំងកូវីដក៏បានចាប់ផ្តើមបណ្តើរៗផងដែរ បើតាមការចែករំលែកក្នុងទំព័រហ្វេសប៊ុក Meng Costa Page បំណងល្អពីខ្ញុំ ដោយតាមការចែករំលែកនោះបានឱ្យពីសេចក្តីជូនដំណឹងរបស់គេហទំព័រអជ្ញាធរសុខាភិបាលកូរ៉េដូចខាងក្រោម៖
ចាប់ពីថ្ងៃទី៣ ខែសីហានេះ ដល់ថ្ងៃ៦ ខែសីហា អជ្ញាធរនឹងបើកឱ្យធ្វើការការចុះឈ្មោះចាក់វ៉ាក់សាំងបាន ដែលមានសរុបដល់ទៅ២លាននាក់។ បុគ្គលដែលអាចចាក់មាន៖ (១) ភ្នាក់ងារសាធារណ: ( ភ្នាក់ងារដឹកជញ្ជូនសាធារណ: អ្នកដឹកជញ្ជូនបញ្ញេីរ អ្នកអនាម័យផ្លូវសាធារណ: អ្នកខលសេនធឺ ) (២) អ្នកពិការ, ពលករបរទេស,និស្សិតបរទេស។ ល។ (៣) យុវវ័យដែលងាយពាក់ព័ន្ធ និងមានហានិភ័យខ្ពស់នឹងការចម្លងកូវីដ (យុវសិស្សអនុវត្តផ្ទាល់ អ្នកនៅស្ថាប័នកីឡា អ្នកធ្វេីការជាមួយយុវជន) និង (៤) កន្លែងដែលងាយឆ្លង( ហាងអាហារ ខារ៉ាអូខេ កន្លែងជួលកុំព្យូទ័រpc방)។
សម្រាប់រយៈពេលនៃការធ្វើការចុះឈ្មោះក៏ត្រូវបានកំណត់ដោយឡែកពីគ្នាផងដែរ៖ (១) ថ្ងៃទី៣ ខែសីហា ម៉ោង៨យប់ ដល់ម៉ោង៦ល្ងាចថ្ងៃទី៤ ខែសីហា សម្រាប់អ្នកនៅទីប្រជុំជន (សេអ៊ូល អុីនឆន់ ក្យុងគីដូ) (២) ថ្ងៃទី៤ ខែសីហា ម៉ោង៨យប់ ដល់ម៉ោង៦ល្ងាចថ្ងៃទី៥ ខែសីហាសម្រាប់អ្នកនៅតំបន់មិនមែនទីប្រជុំជន និង(៣) ថ្ងៃទី៥ ខែសីហា ម៉ោង៨យប់ ដល់ម៉ោង៦ល្ងាចថ្ងៃទី៦ ខែសីហា ចុះឈ្មោះបានទូទាំងប្រទេស។
ពេលវេលាកាលបរិច្ឆេទសម្រាប់ចាក់វ៉ាក់សាំងវិញ គឺនឹងចាប់ផ្តើមពីថ្ងៃទី១៧ ខែសីហា រហូតដល់១១កញ្ញា ដែលក្នុងនោះអ្នកចាក់វ៉ាក់សាំង Pfizer នឹងត្រូវចាក់ពីថ្ងៃទី ១៧ ខែសីហា រហូតដល់ថ្ងៃទី២៩ ខែសីហា រីឯអ្នកចាក់វ៉ាក់សាំង Moderna នឹងត្រូវចាក់ពីថ្ងៃទី ៣០ ខែសីហា រហូតដល់ថ្ងៃទី១១ ខែកញ្ញា។ បងប្អូនទាំងអស់អាចធ្វើការចុះឈ្មោះបានតាមរយ៖ https:ncvr.kdca.go.kr
