ចែករំលែក បងប្អូនពលករខ្មែរយើងនៅកូរ៉េគួរតែដឹង! ពលករខ្មែរកាន់វីសារ E-9 នៅកូរ៉េខាងត្បូង អាចស្នើប្តូរវីសារខ្លួន ទៅជាប្រភេទវីសារ ៧ ប្រភេទនេះបាន ..

កូរ៉េខាងត្បូង៖ សម្រាប់បងប្អូនខ្មែរយើង ដែលស្នាក់នៅកូរ៉េខាងត្បូង ឬមានបំណងចង់ស្គាល់ពីប្រទេសកូរ៉េខាងត្បូង ដើម្បីអាចត្រៀមខ្លួនមកធ្វើការនៅពេលអនាគតណាមួយ គួរតែស្វែងយល់ឱ្យច្បាស់ពីប្រភេទទិដ្ឋាការផ្សេងៗដែលមាននៅក្នុងប្រទេសកូរ៉េខាងត្បូង ជាពិសេសគឺប្រភេទទិដ្ឋាការ​ ឬវីសារដែលបងប្អូនពលករបរទេស រួមទាំងពលករខ្មែរយើងផងអាចធ្វើការផ្លាស់ប្តូរបាន។

ចែករំលែកនៅក្នុងទំព័រហ្វេសប៊ុក Meng Costa Page បំណងល្អពីខ្ញុំ បានរៀបរាប់នូវប្រភេទទិដ្ឋាការផ្សេងៗរបស់កូរ៉េខាងត្បូង ដែលអាចឱ្យពលករបរទេសធ្វើការផ្លាស់ប្តូរបាន ទៅតាមលក្ខខណ្ឌផ្សេងៗគ្នាដូចខាងក្រោម៖

(១) E9 ទៅជា E7-4 ជាប្រភេទវីសារពលករជំនាញ​ ត្រូវរស់នៅកូរ៉េចាប់ពី៥ឆ្នាំឡេីង​ នឹងបំពេញលក្ខខណ្ឌ​ គិតជាពិន្ទុ​ដេីម្បីប្តូរ ពេលបានហេីយបំពេញលក្ខខណ្ឌប្តូរទៅ​ F2 រឺ​ F2-99 ប្តូរបន្តF5 និង​ សញ្ជាតិ។ (២) E9 ទៅជា D4 វីសារសិក្ខាកាម​ រៀនរយ:ខ្លី​ ហេីយអាចប្តូរទៅជា D2។ (៣) E9 ទៅជា D2 វីសារនិស្សិតបរទេស​មករៀនកូរ៉េ​ (ត្រូវមានសញ្ញាបត្រ​បាក់ឌុប​ និង​ កំណត់អាយុ​)។ (៤) E9 ទៅជា C4, E8 ជាវីសារការងារតាមរដូវកាល​ ខ្លីៗ បេីកមានពេលកំណត់។ (៥) E9 ទៅជា F6 ប្រភេទវីសាររៀបការ​ជាមួយជនជាតិកូរ៉េ​ រឺ​ អ្នកមានសញ្ជាតិ​។ (៦)E9 ទៅជា G1 ជាប្រភេទវីសារបណ្តោះអាសន្ន​ នៅពេលឈឺ​ របួស​ និង​ ជ្រកកោណក្រោមហេតុផលណាមួយ​។ (៧) E9 ទៅជា D8 វីសារអ្នកជំនួញ​ ត្រូវមាន​លុយ​ 1억 (១០០លានវ៉ុន) វិនិយោគ​ជាមួយក្រុមហ៊ុនកូរ៉េ​ រឺ​ មាន​ 3억 (៣០០លានវ៉ុន) បេីកដោយខ្លួនឯង​ វីសារនេះមិនងាយសុំទេ​ កន្លងមកមានចាញ់បោកច្រេីន​ ដោយសារការរត់ឯកសារមិនច្បាស់លាស់​។

-វីសារ​ C3 ជាប្រភេទវីសារអ្នកទេសចរណ៍​ ចូលប្រទេសកូរ៉េ​។ ក្រៅពីវីសារដូចបានរៀបរាប់ខាងលើគឺមិនអាចផ្លាស់ប្តូរបានទេ​ ហេីយការប្តូរប្រភេទវិសារនីមួយៗ​ មានលក្ខខណ្ឌតម្រូវរបស់វា​។ ប្រសិនបើចង់ស្វែងយល់ពីប្រភេទវីសារដទៃទៀតរបស់ប្រទេសកូរ៉េខាងត្បូង លោកអ្នកអាចធ្វើការស្រាវជ្រាវបន្ថែមទៀតបានផងដែរ។

Leave a Reply

Your email address will not be published.