មុននេះបន្តិចមានការឆាបឆេះចេញពីជណ្តើរយន្តប្រអប់ នៅព្រលានអ៊ីនឆន់ សំណាងល្អមិនមានអ្នករបួស! សមត្ថកិច្ចសន្និដ្ឋានថាអាចមកពីបញ្ហាមួយនេះ …

កូរ៉េខាងត្បូង៖ មុននេះបន្តិចមានករណីភ្លេីងឆេះនៅនឹងស្ថានីយ៍អ្នកដំណេីរទី១ នៅព្រលានអុីនឆន់ ប្រទេសកូរ៉េខាងត្បូង ដែលមកដល់ពេលនេះត្រូវបានក្រុមពន្លត់អគ្គីភ័យគ្រប់គ្រងស្ថានការណ៍បានទាំងស្រុងហើយ បើតាមការចុះផ្សាយក្នុងសារព័ត៌មាន MBC News និងពីទំព័រហ្វេសប៊ុក Meng Costa Page បំណងល្អពីខ្ញុំ។

ករណីនេះត្រូវបានគេរាយការណ៍មកថាចាប់ផ្តើមកើតឡើងម៉ោងប្រហែល២រសៀល ដោយមានឃើញអណ្តាតភ្លើង និងផ្សែងហុយចេញពីផ្នែកខាងលើនៃជណ្តើរយន្តប្រអប់នៅច្រកលេខ៥​ ស្ថានីយ៍ចេញដំណើរនៅនឹងជាន់ទី៣ ស្ថានីយ៍អ្នកដំណេីរទី១នៃព្រលានអ៊ីនឆន់អន្តរជាតិ។ តែជាសំណាងល្អនៅពេលដែលឆាបឆេះនោះគឺមិនមាននរណាម្នាក់ប្រើជណ្តើយន្តប្រអប់នោះទេ ហើយដូចនេះក៏មិនមានអ្នកប៉ះពាល់ ឬរងរបួសក្នុងករណីនេះដែរ។

ក្រុមអង្គភាពពន្លត់អគ្គីភ័យជឿថាករណីឆាបឆេះនេះកើតឡើងដោយសារតែករណីទុស្សេខ្សែភ្លើង (electrical short) នៅក្នុងម៉ាស៊ីននៃប្រអប់ជណ្តើរយន្ត តែយ៉ាងណាគេនឹងបន្តស៊ើបអង្កេតករណីនេះបន្តទៀតផងដែរ។ ប៉ុន្តែនៅពេលភ្លេីងឆេះ​ ផ្សែងហ៊ុយពេញ​ និង​ ជះក្លិនឈ្ងៀម​ ហេីយប្រេីពេលយូរដេីម្បីសំអាតក្លិនដែលឈួរនៅពេញព្រលានយន្តហោះផងដែរ។

អង្គភាពពន្លត់អគ្គីភ័យប្រចាំការនៅព្រលានយន្តហោះ

Leave a Reply

Your email address will not be published. Required fields are marked *