កូរ៉េខាងត្បូង៖ សូមជូនព័ត៌មានអំពីការផ្លាស់ប្ដូរប័ណ្ណបើកបររថយន្ដនៅកូរ៉េ ដែលមានចំណុចសំខាន់ៗដូចខាងក្រោមនេះ៖
ចំពោះអ្នកដែលមានប័ណ្ណបើកបរនៅប្រទេសកំណើតរបស់អ្នក គឺអ្នកអាចយកមកប្ដូរជាប័ណ្ណបើកបរនៅក្នុងប្រទេសកូរ៉េហើយ ទើបអ្នកអាចបើកបររថយន្ដដោយស្របច្បាប់នៅកូរ៉េបាន។
ឯកសារចាំបាច់សម្រាប់ការប្តូរប័ណ្ណបើកបរនេះមានដូចជា៖ ប័ណ្ណបើកបរ, លិខិតឆ្លងដែន, កាតសម្គាល់ខ្លួនជនបរទេស (ID កាត), រូបថត៣សន្លឹក, លិខិតបញ្ជាក់ពីស្ថានទូត, វិញ្ញាបនប័ត្រនៃការចូល និងការចាកចេញ, ថ្លៃសេវា, ការពិនិត្យកាយសម្បទា។
ចំពោះជនបរទេសដែលអាចផ្លាស់ប្តូរបាន នៅក្នុងចំណោម ១៦ប្រទេស ដែលបានបញ្ចូនពលករមកកូរ៉េ តាមរយៈប្រព័ន្ធអនុញ្ញាតការងារជនបរទេសរួមមាន៖ ប្រទេសកម្ពុជា, នេប៉ាល់, ទីម័រខាងកើត, ឡាវ, មីយ៉ាន់ម៉ា, វៀតណាម, ស្រីលង្កា, អ៊ូបេកគីស្ថាន, កៀហ្ស៊ីស៊ីស្ថាន, ថៃ, និងហ្វីលីពីន។
